CELIBATE

<   2005年 05月 ( 10 )   > この月の画像一覧




唉 ... 遲到

今朝痾屎痾耐左 ,
搞到遲哂大到 ! 我仲要無梳頭 ... 洗兩下就衝左出去 ,
唉 ! 唉 ! 唉 !
番到去要記名 , 到佢叫我拎手冊出黎個時先知自已又無帶 ,
唉 ! 唉 ! 唉 !
好彩佢叫我今日之內俾番劉富腳簽就得咋 !
之後企係到等個時勁驚險 !
有超大隻怪獸飛黎飛去 ! 係超大隻 !
仲要深黑色既 ! 好核突 !
我同前面個兩個小女孩即刻彈去第二度企 !
上番去課室就上中文堂啦 , 又短講 ,
我又成日唔記得禁個 bell , 真係唔好意思呀 !
Bio 堂全班起勢咁抄佢出面 D 野 ,
抄到隻手好似已經唔係自已咁 ... 辛苦 .
中史堂賴 sir 又成日望住我講書 ,
其實佢係咪真係望住我嫁 ?!
不過我無理到佢 , 係度背份中文講稿 !
哈 ! 好開心 !
Maths 堂變左做中文 !
一日唔使對住梁鳳儀既感覺真係好爽 !
哎也 , 最衰都係我啦 ,
同阿心講「One more , Two more」,
搞到阿心出去講個時係度笑 ...
臨落堂個時我偷睇左 D 分數 ,
我有 5 分都算係咁啦 ,
不過拎唔到 6 分真係辜負左阿飽呀 !
Lunch 之後就個個咩野 Oral test ,
陳冰冰考 , 好搞笑 !
個個人入去班都要敲門 ,
魔術手真係好白癡 ,
Miss Chan 叫佢出去再入黎敲門 ,
佢竟然答自已係屬於呢一班 , 所以要入黎 ... 真係吹脹 !
之後考考考 ... 唉 ! Miss Chan 話我差呀 !
仲話我阿哥 better then me !!!!!
我都知 ..... 唔使講出口掛 !
[PR]



by hoching_yiu | 2005-05-31 21:07 | Life

家賊難防 ?!

今日英文堂寫個份 speech ,
衰哂 !!!! 完全諗唔到要點寫 !!!!
好彩 Miss Phillips 話會幫我盡量改善姐 ...
佢仲叫我唔使擔心 ! 咁都好 D !
CVED 劉姥姥黎左上堂 ! 好詭異 !
連講早晨同再見都用左普通話 !
哈 ... 真係要多謝佢 , 搞到我地唔使出去講野 !
H.E 又整隻家謙 , 唉 ... 對住佢咩心機都無哂 !
整黎整去都整唔到 !
都唔知做隻公仔黎做咩 ! 把托呀 ?!
哂我時間哂我金錢呀 !
我要咆哮啦 ! WOW !
中文聽人短講 , 好悶 ,
Maths 堂仲悶 !
His 都好 D , 有電視睇 ! 但係睇完電視之後 ,
袁 sir 話阿 wind 又唔見電話 ... 真係俾佢吹脹 !
大小姐 ! 有錢都應該好好保管自已 D 野嫁 !
算啦 ... 都慣啦 ...
袁 sir 話最大可能係我地呢班同學偷 ,
搞到要搜書包 , 我幾驚盒髮泥俾 Miss Fok 見到呀 !
最後都係搵唔到 , 唉 ... 祝阿 wind 早日搵番啦 !
如果唔係阿 wind 媽咪又唔知會有咩懲罰嫁啦 ...
散水之後阿 wind 話唔見埋 D 錢 ,
仲話李詠琪話係我偷 !
你食屎啦 ! 我偷野 ?!
我係偷就唔會問 Cathy 借啦 !
我興到呀 ! 我詛咒你條死八婆呀 !
你而為自已真係好靚好多男仔追呀 ?!
照下你棚牙啦 ! 我想嘔呀 !
可怒耶 ! 我又要咆哮啦 ! WOW !!!!!
[PR]



by hoching_yiu | 2005-05-30 20:29 | Life

大哥

一朝早阿爸阿媽就出左去沙田唔知睇 D 咩展覽 ,
都唔知有嘜咁好睇 ,
之後我同姚皓霖就落左去食椰林閣啦 !
唔知點解 , 今日佢對我好好 , 真係好好 !
明明尋晚先鬧完交 ,
今日就好有阿哥關懷細佬既 feel ,
仲請我食野 , 講佢係學校 D 野俾我聽 ,
真係好到想叫佢一聲「大哥」!
希望以後都可以咁啦 !
番到上黎就搞家謙 , 搞到我心都煩埋 !
搞搞下阿心同阿 Yan 就打黎傾 D 好正經既野 ,
之後做 HWA ..
而家我係度等緊 8:30 ,
等到我條頸仲長過阿 Fi ! 等左幾個月啦 !
快 D 到啦 !!!!!

d0055299_20222249.jpg

[PR]



by hoching_yiu | 2005-05-29 20:22 | Life

致命『性騷擾』

今朝爆完舊憶年化石同洗埋頭之後 ,
出到去廳見到阿媽睇緊一套戲叫做「致命性騷擾」,
係陶大宇同方中信做既 ... 陶大宇好變態 ,
都唔知有嘜咁好睇 ,
我睇到個女人俾陶大宇強姦緊既時候就走左啦 !
集會個時 Nathan 俾鍾 sir 捉 , 無奈 .
頭兩堂好苦悶 ! 上我最鍾意既 Geo 先至好玩番 !
Miss Chan 又叫我答問題 , 好似叫左 3 次 !
之後超爆笑 ! Miss Chan 做對聯 !
佢話阿 wind :「左手伸一伸 , 貴過我全身 !」
再話我地呢班年青人 :「洗錢有你份 , 搵錢慢慢等 !」
我已經笑到賴屎 ! 佢仲要扮阿婆阿伯 !
笑到 D 肺癡哂 !
ERS 堂 , Miss Phillips 一開始就發火鬧人 !
邊個睇漫畫咁曳呀 ?!
突然之間 !
朱 pig 同學俾 Miss Phillips 罰 ! 當場爽哂 !
Lunch 同幾同 Phoebe 同 Hestia 去左桌爾居食 ,
點知又係食椰林閣 , 真係唔好意思呀 !
食完之後 Phoebe 番學校 , 而我地就步行上市中心啦 ,
一開始就去左扭蛋 , 我無扭到啵 !
之後去左睇「時間囊」D 盒 , 點知 !!
當我地想走既時候 , 有個不知名既智障少女望住我地 !!
我唔係講笑 !! 佢真係智障嫁 !!
我地行去邊佢就望去邊 !! 好恐怖 !!
我地驚得濟咪用 9 秒 9 既時間衝落精美囉 !!
作死 ! 行行下見到煲煲同森美 !
話咁快就 3:00 p.m !
我地就諗住番去會合佢地 , 點知阿幾同 Hestia 話要步行上學校 !
真係唔得佢地死呀 ! 曬到隻狗咁仲要行 !
我真係好熱好熱 ! 標哂汗 !
佢地仲要話我少爺 ! 真係吹脹 !
陽光底下行路真係超辛苦嫁嘛 !
唉 ! 算啦 ! 當減肥 !
Hestia 回家後我地兩條友就繼續啦 ...
3 : 40 p.m 終於番到去 , 我好急尿 ,
但係竟然唔係學校痾埋先走 !
之後就打俾阿 wind 話我地上黎 ,
上到去已經聽到有狗聲 ! 我同阿 Yan 超驚 !
玩玩下阿 wind 隻史納莎突然向住阿幾既 xyz 進發 !
好搞笑 ! 但係最爆笑既係原來隻史納莎係雙性戀既 !
佢竟然想同阿幾咩咩咩 ! 仲連我地都唔放過 !
對於阿 Yan 黎講 , 呢個係「致命性騷擾」黎嫁 !
真係俾佢玩殘 !
玩左一輪先記得原來我係急緊尿既 !
之後因為無野做所以開 "木台" 打牌 !
Irun 係大贏家 !
阿 wind 媽咪番黎之後我地就走啦 ,
一落到去個天就肚痾 , 係咁落大狗屎 !
搞到要阿 wind 拎遮俾我地 !
個天真係好有 "Day after tomorrow" feel 呀 !
好驚險咁番到屋企 !

唉 ! 算啦 ! 唔鬧佢啦 !
[PR]



by hoching_yiu | 2005-05-27 20:52 | Life

大左肚 ?!

Maths UT 合格呀 ! 你無聽錯 !
姚皓正合格呀 ! 真係要多謝黃永既教導啦 !
普通話堂俾人串 , 個青蛙銀包係我既咁又點 ?!
仲要俾人話我有男朋友 ... 真係想痾舊屎你食 !

Lunch 個時「綿綿頭上飛花」! 吸左 D 毛 . 之後食豬腸粉 ,
上 Eng 堂個時都係忍唔住嘔左出黎 .
放學癲左陣 , 朱生同劉生癡左線 , 不過好好好好笑 !
佢兩個同煎堆走左之後 ,
我地係度玩猜程尋 , 輸左一樣要罰 !
一開始華姐罰出去大叫「寶力達蠻牛」!
之後心都係 ... 而我 , 就要帶住女仔條 tie 同人 say HI !
走出學校之後!
又去左 M !
我個位好冰山一角呀 !
食左新出既「芒果脆筒」, 超爆難食 !
未食既朋友千祈唔好試 !
聽日佢地可能會上黎我屋企同班怪獸搏鬥 !
希望我地會贏啦 !
番到屋企又嘔 , 嘔番 D 芒果脆筒出面 D 野出黎 !
好核突 ! 都唔知咩事 !
我諗我仲嘔得密過 Miss Wong !

P.S 好多謝大佬蓓 (可以咁叫你嫁呵 ?!) 教我加 D links 落去呀 !
Thx a lot !

*各位本來諗住黎我屋企玩既朋友們 , 由於條狗狸賤人話無論如何都唔會俾你地入屋 , 所以真係十萬個唔好意思呀 !! 佢仲賤到鬧我添喎 !! 你去食屎啦 !!我都忍左你十幾年啦死賤人 !! 我聽日先開 post 數臭你 !!
[PR]



by hoching_yiu | 2005-05-26 20:26 | Life

Wink Up

今日份 Maths UT , ok la , 合格掛 !
之後上姣老師堂 , 佢 D 口音真係好搞笑 ..... 鼻音超重 !
chem , 一個字 : 悶 !
點解李先生教書可以咁悶嫁 !
唉 ! 不過當我玩緊個 D 泡泡洗手液既時候 ,
整左一達落去黃永件冷衫到 ! 仲要係正腋下個個位 ,
洗左好耐先洗乾淨 ... 真係唔好意思呀 !
Lunch 之後既英文堂 , 出奇地過得好快 !
中文堂最好笑 !
「陷入一個無止境既循環」
「陷入一個無止境既循環」
「陷入一個無止境既循環」
Miss Wong 足足講左 3 次 !
GAP 堂又睇片 , 悶 .
放學猜輸左要罰 , 要同 F.3 每一個班房嗌一聲 HI !
之後到 Kabie ,
要同余定同卑鄙講 :「我地係 fd 黎嫁嘛 !」(用阿 Fi 口音)
無幾耐就同 Yan 同 Kabie 返屋企 ,
行行下想去形風 , 就同 Kabie 同一位好好朋友去啦 !
走個時見到 6 月號既 Wink Up ,
好想買 ! 不過都係等我多 D 錢先啦 !

係 cm 見到呢個 gif , 我好鍾意呀 ! 送俾大家 :

[PR]



by hoching_yiu | 2005-05-25 19:56 | Life

大鼻屎

今日發生左好多好多野 ! 當然不能盡錄啦 ! 打精華算啦 !

話說小息既時候 ,
飛機又派糖食 , 阿幾好奇咁問佢 :「你仲嘜要派糖 ?! 想賂路人呀 ?!」
阿幾問完之後 , 飛機突然搭左佢膀頭 ,
講 :「係呀 , 賂路同你發生性行為呀 !」
Phoebe 同我同幾即刻笑到失哂常 !
之後中文堂 , Miss Wong 本來想叫 Kabie 唔好玩 ,
但係佢教書教上腦 , 叫左 Kabie 做陳子京 ,
Miss Wong 知道自已講錯野之後係度笑 ,
之後全班跟住一齊笑 !
Lunch 之後無左堂 Maths ,
點解呢 ?! 就係梁鳳儀叫左鍾 sir 上黎講耶穌啦 !
鍾 sir 點解要上黎講耶穌呢 ?! 就係因為「爛菜事件」啦 !
何謂「爛菜事件」呢 ?!
即係朱壁均同學同李嘉俊同學搞出黎既蘇州屎啦 .....
詳情內容唔打 , 睇其他 3B 同學既日記啦 .....
仲有 , 大家都知道鍾 sir 好鍾意搞爛 gag ,
即係講完一個笑話自已笑個隻 !
鍾 sir 一路講我就一路笑 ! 唔好誤會我係笑鍾 sir D 爛 gag !
我係笑鍾 sir 有粒好大既鼻屎 ! 佢一入黎我已經忍左好耐 !
忍得超辛苦 !
我又驚笑左出黎佢會話我唔尊重啵 ! 唉 !
結果都係屈埋左等落堂先講出黎 !
轉堂個 gap 我同不羈玩猜程尋 ,
本來不羈輸左 , 但係我話如果佢再猜輸先罰 ,
之後佢話我 D 懲罰太賤忍 , 要我講左罰咩先 ,
我話要佢同鄧嬸講我地係好朋友 ,
哈 ! 不羈即刻擰哂頭 , 仲話咁會對唔住自已既良心 ,
同埋會傷害到鄧嬸既感情 ! 真係搞 gag ! 不羈永遠都咁不羈既 !
放學吹水 , Hestia 仲教我摺紙鶴 ,
之後等阿心 , Phoebe同 Irene 返黎繼續傾 ,
無幾耐 , 鄧嬸出現左 , 因為之前 Phoebe 猜輸左俾我 ,
所以要罰佢同鄧嬸講 :「我地係好朋友 !」
估唔到 Phoebe 真係搭住佢膊頭講 ! 我要俾個 good 你呀 !
傾到 5 點鐘 , Miss Lee 殺入黎趕我地走 ,
仲話下次再見到我地咁遲都唔走會記名 , 驚驚添 .....
[PR]



by hoching_yiu | 2005-05-24 20:23 | Life

朱古力新地多花生

今日 D 老師好似想殺左我咁 .....
我又唔係做錯野 ! 使唔使咁惡呀 ?!
首先係賴 sir , 我叫煎堆幫我開風扇姐 !
賴 sir 即刻衝埋黎鬧我 :
「你做嘜要咁樣呀 ?! 開風扇唔使問過老師呀 ?! 知唔知規矩呀 ?」大佬賴 ! 開把風扇姐 ! 殺左我阿笨 !
之後 Maths 堂 ,
白癡婆叫我一聲低 B 仔 , 我叫番佢做白癡婆姐 ! 咁又有罪 !
梁鳳儀竟然叫我地 lunch 帶埋本手冊見佢 !
唔好忘記你 F.2 好大聲咁叫飛機做白癡呀 !
好彩 , 我同 Kabie 同佢講話我地 F.1 已經咁叫 , 所以過左骨 !
Lunch 之後就英文堂 ! Miss Phillips 好似食左火藥咁 ,
勁大力拍我本書 ! 我本書揭左去後一頁姐 ! 咁又有罪呀 ?!
三個都係食忽怪 ! <----- 我無打錯 , 真係個"忽"字黎嫁 , 跟人學既 !

放學同阿飽傾野 , 我要喊啦 !
之後同真摯既朋友們去 M 到食野 !
真係癲既 !
笑到我癡肺 !
一開始係阿幾既朱古力新地多花生 !
請注意個生字 , 阿幾係讀到好似普通話既三聲再加埋鼻音 !
大家跟我讀一次啦 ! 多花『~生~』! 聽日我地再複習一次 !
無幾耐 Nathan 黎埋 , 都唔知佢一開始返屋企做嘜 !
登登登登登 ! 戲玉黎啦 ! 令我笑到失常既就係我地既高官區舞蹈員啦 !
點解咁好笑呢 ?!
就係之前 Phoebe 講過話要讀 law , 咁暑假佢又話要學 breakdance ,
所以阿幾同 Nathan 就扮 Phoebe 啦 !
點扮呢 ?!
就係一路跳舞一路審案 ! 仲唱埋 Sailor Moon 首歌 !
可能我而家講唔好笑 !
未見過既同學仔聽日叫佢兩個扮多次啦 !
散水後撞到阿 Yan ! 之後我就同阿幾搭車走佬 lu !
[PR]



by hoching_yiu | 2005-05-23 20:20 | Life

飛甩謙毛

今日下午剪家謙塊皮剪左我成兩粒鐘 !
時間都唔係一個問題 !
問題係剪個時好熱 ! 又唔開得風扇 !
一開風扇 D 毛又周圍飛 !
姚皓霖又唔俾我開冷氣 ! 都唔知點解唔開得 !
算 ! 我忍忍忍 !
好彩阿爸同媽子返黎即刻開冷氣姐 !
但係 ..... 剪完之後 , D 毛飛到成屋都係 ,
搞到要掃地 ! 掃左差唔多半粒鐘 !
咁大個仔第一次掃地 , 算係咁啦 !
之後就開始溫習啦 ,
溫到而家先至有少少時間俾我用電腦咋 ! 哼 !

P.S 舊個個日記度 del 哂《星迷》啦 !
不過我已經 save 底左 ,
各位想睇番或者想要番1-22 集既朋友可以問我 !
[PR]



by hoching_yiu | 2005-05-22 20:27 | Life

感謝

首先係度要多謝 Theresa !
因為係佢教我用呢個日記既 !
咁點解我要轉日記呢 ?!
就係因為李 x 星先生啦 !
佢唔知點解會有我個 pw , 黃永話佢應該有個 software 解我碼 ,
個刻真係嚇到我鼻哥窿都無屎 ! 所以唔轉唔得 !
之後要多謝所有之前有睇《星迷臭煲煲》既朋友 !
真係唔好意思啦 !
我呢排要溫習呀 ! 所以無時間打《星迷》啦 !
25 / 6 《星迷》一定會返黎既 !

講番尋日先 :
一朝早 Nathan 就叫我去阿心屋企 ,
去黎做嘜呢 ?! 係唔知嫁 !
之後等我補完習再等 Nathan 補完習就殺上去阿心度啦 !
去到我就玩個個「健身輪」, 好核突呀 D 動作 !
個屎忽會突左上黎 !
Hea 下 Hea 下就過左 2 粒幾鐘 lu !
5 點幾個時 Hestia 殺到 !
但係我地幾個真係無嘜野做 ,
5:45 我同 Nathan 就走人 lu !
[PR]



by hoching_yiu | 2005-05-22 13:50 | Life

I CAN DO IT !!
by hoching_yiu
プロフィールを見る
画像一覧
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31

最新のトラックバック

イカー!イーカチュー!!
from イカチュウ
デッケーーーおぱいw
from むろい
うはひゃひゃあぁwww
from うぃぃ
スマター
from けめち
珍性器フェランゲリオン
from スンズ
要するに寝てるだけでおk!
from 要旬
突如其來的聚會
from 蠖ー
進軍花壇
from 昆蟲雜記
2007花卉展覽
from 巨記
混地公園
from 昆蟲雜記

フォロー中のブログ

ファン

記事ランキング

ブログジャンル

画像一覧