CELIBATE

<   2005年 08月 ( 8 )   > この月の画像一覧




超級無敵爆炸勁好味靚靚愛心朱古力曲奇餅

d0055299_23122389.jpg呢碟賣相咁吸引既就係我同敬同承承親手整既「超級無敵爆炸勁好味靚靚愛心朱古力曲奇餅」啦 !! 當你食落口個陣 , 每一啖都能夠感受到姚皓正所花既心機 , 齒甲留香 , 回味無窮 , 睇到都令人唾廷欲滴 !! 你係咪都好想試下呢 ? 其實我地整左兩次既 , 第二次反而無第一次 (即係相個碟) 咁好食。。。今日婆婆都黎左食飯 , 都仲係無酒不歡 !

聽日返學啦 ! 好唔捨得暑假添 ! 好緊張呀 !!! 就快可以作出我既第一次啦 !!! 哈 !!!
P.S. 今日真係唔該哂阿心教我做作業 !
[PR]



by hoching_yiu | 2005-08-31 23:22 | Photo

好好聞 ?! 唔係掛 ?!

尋晚做個份咁既 maths w.s 做到兩點 , 覺得好浪費我 D 時間囉 !!! 又暑期作業又 w.s , 你做俾我睇呀笨 !!! 痴肺既都 !!! 派派派 !!! 仲要做 D book report !!! 暑假要黎玩嫁 !! 做做做 !!

今日因為悶得濟 , 又同姚皓霖落元朗 , 好驚訝喎 ! 佢同我講要改變而家個形象喎 ! 都要既 , 話哂都 18 歲 , 係會貪靚既啦 ! 去到約埋敬、雯 , 點知我阿媽 order 要食麵 , 買完諗住放係穿車帶番去華翠嫁啦 , 點知要等成四個字 , 不過我係唔會為左兩碗油麵而唔行街嫁 ! 送完之後就同姚皓霖買衫啦。。。行左陣佢就買完啦。。。我好失望 , 何解咁快買完嫁 ?! 之後搭的返珍姨家。。。

去到我勁好雀躍喎 !! 可以玩 「Yuen Long's Next Top Model」!! 係就係低 B 左 dd , 不過真係好好玩 !! 我份 Tyra , 參賽者有承承同星仔 , 佢地要影相仲要行 catwalk , 最後由我宣布承承就係 YLNTM 啦 !! 玩呢個可以重拾童真 , 令我諗番起細細個玩既老師、醫生同家庭 ... 笑死我啦 !! (遲 D post 番參賽 d 相先)

夜晚睇完戲就去左宵夜 , 搭緊「車立」個陣嘉雯突然間話姚皓霖叫屎忽霖 , 之後又話佢個屎忽好淋 , 敬仲變態 !! 佢講左一句 :「除左好淋仲好好聞 !」。笑到癲哂 !!
[PR]



by hoching_yiu | 2005-08-28 03:04 | Life

Planetarium

大塚愛 10th Single「プラネタリウム」

【CD+DVD】 AVCD-30768/B ¥1,890(tax in)
 2005.9.21 on sale
d0055299_0331762.jpg





●収録内容
<CD>
1. プラネタリウム
2. drop.
3. プラネタリウム -Instrumental-
4. drop. -Instrumental-

<DVD>
1.プラネタリウム [Music Clip]

出個日我一定仆去 DOWNLOAD 嫁 !!!!!
------------------------------------------------------------------
其實你地仲想唔想睇星迷嫁 ??
想既話我打番嫁啦 !! 唔想既話我唔打嫁啦 !!
[PR]



by hoching_yiu | 2005-08-27 00:38 | Idol

金三珣

呢兩日同姚皓霖瘋狂式勁煲「我的名字是金三珣(讀個順字)」, 尋日睇左八個鐘 , 所以今日睇少 D , 睇左四個鐘。。。真係超級好睇 !! 我覺得個女主角既身世同情況好似我 ... 都係肥肥地 , 成日俾人笑樣衰 , 想減肥個時見到人地食野又忍唔到口 ... 唉 ! 我而家又肥番。。。都唔知姚皓霖咩心態嫁 !! 做閱讀報告要我去借 D 成十尺厚既書番黎 ! 我先唔彩你呀 ! 數數下 , 暑假唔係得番好多日咋啵 , 我 D 功課仲。。。

男主角 :
d0055299_19531535.jpg
[PR]



by hoching_yiu | 2005-08-23 19:54 | Life

ANTM 5

今日佢地上左黎玩呀 ! 全日打機、睇大塚愛、睇電視同食野 ! 本來我好擔心姚皓霖返左黎會唔知點既添 ! 其實佢係度都無咩問題既 ... 不過好似嚇親 Phoebe ... 死仔 Nathan 玩 D 綿花糖搞到好核突 , D 朱古力醬好似爛屎咁 , 慢慢「咇」出黎 ! Irun 同阿幾玩個奧運玩到好興奮 , 阿心玩孤忍終於都贏左啦 !! 唔知聽日阿幾同 Phoebe 會去邊忽呢 ? 等我地去撞下佢地先 !! 我要做電燈擔 !!

嘩嘩嘩 !! ANTM 5 既宣傳 poster 呀 !! 都唔知香港幾時先有得睇 ... 唔好又係考試個時做啦 !! 次次都搞到我無得睇一兩集 ...
d0055299_20242729.jpg
[PR]



by hoching_yiu | 2005-08-18 20:25 | Life

血腥爆肉腸

剪左個頭之後 , 呢三日我都好灰。。。剪到咁 , 我都唔知點出街好 !! 唉 !!

呢三日承承上左黎我屋企 , 都係玩 PS2 , NARUTO 勁好玩 !! 不過大蛇丸個度玩黎玩去都過唔到關既 !! 仲有個隻「肥婆」, d 小遊戲好搞笑 !! 尋晚奶奶大左結局啦 , 頓時覺得夜晚會變到好空虛 , 好唔捨得呀 ...

d0055299_1502673.jpg呢碟就係我前晚既宵夜「血腥爆肉腸」啦 !! 我自已親手整嫁 !! 賣相係咪好吸引呢 ?! 味道亦都相當一流 !! 下次你地黎我屋企玩一定要整俾你地試下 !!
[PR]



by hoching_yiu | 2005-08-13 15:03 | Photo

4/8~7/8

4/8 :
約左真摯朋友 (費事逐個人講) 去元朗唱 K , 既然都去元朗;既然珍姨佢地黎左;既然姨丈有車 , 咁就又去左佢地屋企訓啦 ! 唱 K 都係咁啦 , 隔左咁多日都唔係好記得有咩特別事 , 淨係記得當我唱「一」字之後 , 全部人跟住唱「梳梳到尾 .....」笑到肚都痛 !! 臨走個時去左食蛋糕 , 其實叫阿幾一齊食都無咩特別意思嫁 ... 不過我好似好唔識做咁 ... 對唔住呀 Phoebe !!! 之後就搭專車返珍姨屋企。

5/8~7/8 :
呢段日子我都無返過屋企 , 都好既 , 俾爸爸媽咪佢地過二人世界。尋晚媽咪去左睇徐小鳳 , 佢話睇得好開心喎 , 仲有隻「閃閃介指」添 ! 計埋今日 , 連續三日我地都係打牌 , 戰況好激烈 ! 明明我贏緊 30 蚊嫁嘛 , 點知倒輸 9 蚊 , 唉 ... 我地三家輸恩姐一家 , 佢贏左成 60 幾蚊 ! 其實我都未算慘既啦 , Joseph 同 八婆敬就真係 .....

恩姐買左部 PS2 , 因為咁 , 聽日我同姚皓霖都去買返部 , 我地本來諗住等 PS3 既 , 不過 budget 有限 , 都係算啦 , 我都係想玩太鼓姐 !
[PR]



by hoching_yiu | 2005-08-07 01:41 | Life

30/7 ~ 31/7

d0055299_20381662.jpg呢兩日我同承承同姚皓霖去左大姑姐屋企到訓 , 一個字「正」! 姑姐屋企實在太舒服啦 ! 對住個大海景 , D 海風吹埋黎又梳肝喎 , 真係住到唔捨得走呀 ! 第一日去度就做左 gym 同打乒乓波 ... 有個女人變態嫁 ! 我未開始玩跑步機個時個女人已經跑緊 , 到我走個時個女人都仲跑緊 ! 個時已經過左成個幾鐘嫁啦 ... 跑咁耐都唔停既 ... 都唔知係咪機械人黎嫁 ! 呢日又玩左大型飛行棋 , d0055299_20462993.jpg本來大表姐贏梗既 , 玩玩下竟然輸番轉頭 ! 食埋飯之後就開始同姑姐傾計 , 一傾就傾左 5 粒鐘 , 傾到夜晚 3 點幾 , 係度講「姚氏秘史」, 原來我既家族係咁恐怖嫁 ! 當然有好人既 ... 只不過竟然有 D 連我都估唔到既野姐 ... 第二日去左游水同焗桑拿 !!!!! D 池水凍到阿媽都唔認得 ! 之後姑姐即刻叫我地上水去焗左桑拿先再游 ! 焗桑拿真係好舒服 , 焗焗下搞到好想訓覺 , 不過落番水個時都係咁凍 , 算啦 , 照游 ! 游完之後焗多次就拿拿臨上去睇 ANTM ! 岩岩好趕得切 ! 搞錯呀 ! 有嘜理由 Michell 要走而唔係條死肥 K 嫁 ! 沖埋涼就繼續傾計啦 , 一樣都係傾到 3 點幾 , 俾我知道左好多姚氏既野 , 搞到我好驚 , 不過姑姐講到想喊咁 , 我都好有感"捉" , 我鄧大姑姐好唔抵 ! 之後訓到第二日 (即係 1/8) 12 點就起身啦 !去左小肥羊到食 . 食完去左 HMV , 大塚愛未出 , 算啦 , 逗留左成個鐘之後就搭車番黎啦 !
[PR]



by hoching_yiu | 2005-08-01 21:04 | Life

I CAN DO IT !!
by hoching_yiu
プロフィールを見る
画像一覧
S M T W T F S
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31

最新のトラックバック

イカー!イーカチュー!!
from イカチュウ
デッケーーーおぱいw
from むろい
うはひゃひゃあぁwww
from うぃぃ
スマター
from けめち
珍性器フェランゲリオン
from スンズ
要するに寝てるだけでおk!
from 要旬
突如其來的聚會
from 蠖ー
進軍花壇
from 昆蟲雜記
2007花卉展覽
from 巨記
混地公園
from 昆蟲雜記

フォロー中のブログ

ファン

記事ランキング

ブログジャンル

画像一覧